Wata kila mai Karatu yayi mamakin ganin Mutamen Dutse sunje sun yi Sarauta a Gwarzo kuma Mutanen Kano misali su Mai Unguwar Mundubawa Amadu Gurara da Dan Lawan Umaru sunzo sun Mulki Dutse. Wadannan tsare-tsare ne irin na Turawa da canjin zamanin da Sarauta ta samu kanta a ciki.

Kafin nadin Sarkin Dutse Sulaimanu II za’aga an nado Sarki daga Kano a matsayin digacin Limawa, Kachi da Gurum Galamawa. aka kuma sake nado Sarkin Limawa Abubakar dan Sarkin Dutse Ibrahim Irema Dan Salihi a matsayin Hakimin da ya canji Dan Lawan Umaru Gurara. shi kuma dan Lawan aka tubeshi a shekara ta 1924AD.

Mutanen Dutse daga zuriyar Sarkin Dutse Musa da sukayi Sarauta a Gwarzo a matsayi Sarkin Dawaki Mai- tuta sune: -

1.                 Sarkin Dawaki na Ta’ala Hakimin Gwarzo 1916-1942. AD.

2.                 Sarkin Dawaki Mai-tuta Abubakar Hakimin Gwarzo 1942- 1950.AD.

3.                 Sarkin Dawaki Mai-tuta Mahammadu Inuwa Hakimin Gwarzo1950-1952.AD.

4.                 Daga karshe Sarkin Kano Alhaji Ado Bayero ya nada Mutumin Dutse Alhaji Sarki       Sulaimanu ya zama Hakimin Gwarzo a mukamin Durbin Kano 1983-1994AD.

Sarkin Dutse Sulaimanu II saboda kwazo irin nasa yasa aka sake hade Dutse da Kiyawa a 1921 suka koma gunduma daya yaci gaba da mulkinsu amatsayin kasa daya watau gundumar Dutse.

Saboda su Turawa suna kula da abin da Ma’aikatansu sukeyi dazarar Mutum yayi wani abu na kirki sai a saka masa da wani aku na Alheri haka kuma in mutum yayi rashin kirki sai a horeshi.

Sarkin Dutse Sulaimanu II zamewarsa Malamin Makaranta dazuwansa sai yasa himma ga bumkasa Ilmi. Lokacinsa “Ya”yan wannan kasa ta Dutse suka shiga Makarantar Boko daban-daban Ajihohin Arewa. kuma wasu daga  cikinsu suka samu tafiya Makarantu Akasashen Turai don karo Ilmin a fanni   daban-dabarn.

Alokacin wannan Sarki, Dutse ta samu cigaba a wajen ginin Makarantu.

1.             Angina Makarantar Elementary ta farko a Dutse a shekara ta 1936AD.

2.           Angina Makaratar Elementary ta biyu a Kiyawa a shekara ta 1949AD. Sarkin Dutse    Sulaimanu II shi yake daukar nauyin duk wanda yasamu tafiya Makarantar Medil ta Kano ga wadanda iyayensu bazasu iyaba.

3.          A lokacin Sarkin Dutse Sulaimanu II aka gina Makarantar “Medil” (Senior Primary School Takur) a takur a 1960.

4.             A lokacinsa aka yi wadansu Hanyoyi da suka hada garuruwan Dutse.

5.             A Lokacinsa aka gina asibitoci a Dutse da Kiyawa.

6.             A lokacinsa aka gina Rijiyoyin kankare suka samu kyakkyawan Ruwan sha aka samu saukin ciwace-ciwace irinsu Kurkunu.

7.             Wani babban abu shine saboda kwarewarsa wajen mulki Sarkin Dutse Sulaimanu II shi MaSarautar Kano take bawa wakilcin madakin Kano duk sanda Madakin Kano yayi tafiya.

8.             Wannan kwarewa ta Sarkin Dutse Sulaimanu II tasa aka bashi lambar girma ta        M.B.E. ranar 31 ga watan mayu 1956AD.

Kuma Allah ya bashi Ilmin Arabiyya don haka ya taimaka kwarai wajen daukaka Addinin Muslinci, ta wajen gina masallatai da kokarin ganin Malamai sun hada kawunansu.

Saboda kokarinsa na hada kan kasa Sarkin Dutse Sulaimanu II a shekara yakan tsara ran gadin kasarsa don yayiwa Jama’a kaliye don a zauna Lafiya.

A irin wannan rangadine yadawo daga Warwade da matsanancin ciwon gudawa ranar 15 ga watan Yuni 1960AD. An kaishi asibitin Kano ranar 21 ga watan Yuli 1960AD. Allah yayi masa Rasuwa a Kano ranar Juma’a 22 ga watan yuli 1960AD. Aka binneshi a Gwale ta Kano. Sarkin Sulaimanu II dan Alhaji Nuhu ya shekara Talatin da shida (36) yana Sarauta 1924-1960AD.

  Sama

2.16 SARKIN DUTSE NA GOMA SHA SHIDA (16) ALHAJI ABDULLAHI MAIKANO 1960-1983 AD. (BAJALLIBE)

Hoto

Sarkin Dutse Alhaji Abdullahi Maikano Shine Babban dan Sarkin Dutse Sulaimanu II, Wanda ya rasu ranar Juma’a 22 ga watan yuli 1960AD.

Kafin ya zama Sarkin Dutse Alhaji Abdullahi Maikano yayi aiyuka iri-iri karkashin Kano N.A. (Karamar Hukumar Kano) yayi aikin Malamin Hakimi a Bichi, Yayi Aikin Haraji a Kano, Yayi wakilin Asibiti a Kano wadannan aiyuka sunsa ya sami goguwa ta Rayuwar aiki da zaman sa na Duniya kafin ya shiga harkokin Siyasa.

Alhaji Abdullahi Maikano ya shiga harkokin Siyasa a shekara ta 1949 kuma ya zama Shugaban Jam’iyyar NPC “Jam’iyyar Mutanen Arewa” reshen yankin Kano (Kano Province) a shehara ta 1956. Bayan yayi shugabancin NPC likkafa tayi gaba Alhaji Maikano ya zama Ministan Kananan Hukumomi na jihar Arewa watau N.A. N.A. daga shekara ta 1957 zuwa 1960AD. karkashin Shugabancin Alhaji Sir. Amadu Bello Sardaunan Sokoto Primiyan Jihar Arewa na Farko.

Alhaji Abdullahi Maikano yana Minista Mahaifinsa Sarkin Dutse Sulaimanu II ya rasu, kuma Sarkin Kano Alhaji Muhammadu Sanusi yanada Minista Alhaji Abdullahi Maikano Sarkin Dutse ranar Litinin 15 ga watan Augusta 1960AD.

Sarkin Dutse Alhaji Abdullahi Maikano mutum ne mai Hakuri, Dauriya kuma mai kokarin bin umarnin nagaba dashi. Wannan yasa yasami gogaiyar aiki da Jama’ar Nigeria iri daban daban daya samu kansa tare dasu. Kuma Sarkin Dutse Abdullahi Mutum ne mai saukin kai da Hikima halayan da sukasa ya zauna lafiya da Shugabanninsa da Jama’arsa.

Sarkin Dutse Abdullahi Maikano ya fara Sarauta lokacin Sarauta tana da Martaba da yawan gaske. Domin in an duba Mutum yabar Minista yadawo ya zama Hakimi lallai wannan abu ba karami bane.

Da za’a kwatanta da wannan lokaci mutum ko Darekta yakeyi aka bashi Hakimi mai Kasa baya barin Darektannan ya dawo ya zauna ga aikin Hakimci. Sai dai yayi Wakili ya zauna masa tare da Jama’arsa shi kuma ya rinka zuwa kasarsa a lokaci-lokaci.

A nan nema nake ganin yakamata nabada shawara kan lallai Hukuma da majalissun Sarakuna su dubi wannan tsari indai mutum ya karbi Hakimi mai kasa yabar aikin Gwamnati ya koma ya zauna tare da Jama’arsa.

A wannan lokaci na Hakimin Dutse Sarkin Dutse Abdullahi Maikano ya zama mai cikakkiyar biyayya ga MaSarautar Kano da shugabancin Gundumar Birnin Kudu. Halayan da suka sa yasamu biyan bukatunsa yayin da ya tashi nemawa Jama’arsa abubuwa daga wajen Hukuma.

A bangaren Ilmi an samu cigaba dayawa domin acikin (1960) yayi kokarin ganin an samu Makarantar Medil watau Makarantar gaba da Firamare wadda aka tsara daukar yaran ELimantare ta Dutse da Kiyawa don suyi Ilminsu na gaba da Firamare. Wannan Makaranta ta fara a cikin Garu da yara Arbain (40) karkashin shugabancin Mallam Shehu Gezawa. Daga wannan lokaci aka cigaba da samun Karin Makarantu suka tashi daga Biyu (2) zuwa Goma Shabiyu  (12) wato tsakanin 1960-1972AD.

Sarkin Dutse yana cikin aiki tsarin Ilmi bai daya (UPE) na kasa da ya shigo a 1976AD. Makarantu suka koma 194.

Wannan tsarin na Ilmi bai daya ya shigo kuma an samu sabon tsarin mulkin kananan Hukumomi na 1976AD. da ake yiwa lakabi da Sabon Tsarin Kananan Hukumomi Na Dasuki. Domin dasukine ya shugabanci wannan kwamati da yayi wannan aikin.

A shirin sabon wannan tsarin Dutse ta samu karamar Hukuma watau Dutse ta zama karamar Hukuma watau Dutse L.G.A. dama anga takaitaccen jawabi kan wannan tsari abaya.

Sarkin Dutse Alhaji Abdullahi Maikano kamar dukkan Sarakuna wannan tsari yazo masa ba yadda aka zata ba. Domin awannan tsari Gwamnati ta kawo wakilinta a matsayin wakilan riko. Hukumar tanada Shugaba watau “Chairman”da kawunsilolinsa domin su aiwatarwa da Gwamnati manufarta.

Dokar kasa ta tabbatar da kafa kwamitocin riko ga dukkan sabbin kananan Hukumomi a Nigeria. A Dutse Alhaji Abubakar Bello Dutse shi ya shugabanci Kwamitin rikon wanda Alhaji Bello Da’u yayiwa Sakatare. Wannan Kwamiti shi ya rike karamar Hukumar Dutse har akayi zabe. Wadanda aka zaba dai an zabesu amma Gwamnati ce ta nada musu Shugaba ragowar suka zauna a matsayin Kansiloli, Zababbun yan majalissar sune: -

1.                 Alhaji Basiru Dutse          Shugaba

2.                 Alhaji faruk Ahmad Wangara     Wakili

3.                 Alhaji Buba Sulaiman Katanga   Wakili

4.                 Alhaji Musa Sakwaya                Wakili

5.                 Alhaji Ibrahim Nakarofi             Wakili

6.                 Alhaji Bello Da’u                       Sakatare

Yadin Dutse ko ince Fagoji shine yazama mazaunin karamar Hukumar. Zamewar wannan wuri sabon mazauninta, karamar Hukumar ta fara da gina Sakatariyarta da gidajen manyan Ma’aikata. A gaskiya wannan karamar Hukuma ta cancanci yabo saboda irin ayyukan datayi wadda Jihar Jigawa ma da’akayi da wadannan gidaje akayi amfani wajen mazaunin sabuwar Jihar da akayi a 1991AD. Wajen jin dadin Jama’a wannan karamar Hukuma ta gina Rijiyoyin Kankare, kananan Hanyoyi da suka hada manyan garuruwan da suka hada Karamar Hukumar da Dutse, Cibiyar Karamar Hukumar, Asibitoci da gina sabbi da gyaran Makarantun Firamare saboda aiwatar da sabon tsarin Ilmi na kasa UPE domin duk an dawo da wadannan ayyukan karkashin Kananan Hukumomin. 

MATSAYIN HAKIMAI A SABBIN KANANAN HUKUMOMI

Hakimai sun zama masu bada shawara a wannan tsari domin kamar yadda aka nuna abaya canjine yazo. A wani lokacima ko tuntubarsu ba’ayi sai dai suga ana aiwatar da ayyuka. Irin wadannnan abubuwa na maimaita basu yiwa Sarakuna da Hakimansu dadiba. Wani abu na rashin dadi da ya faru anan Dutse shine maganar ginin sabon Masallacin Juma’a a garin Sabon Garin Danmasara Unguwa a kasar Dagacin Kargo.

Dama haka Tarihi yake a karanta wani gun aji dadi wani kuma aji rashinsa. Amma dalilin haka shine acigaba a inda akaji dadi kuma a gyara kuskuren inda aka bata.

Maganar Masallacin  Juma’a, karfin mulki da karfin iko sun taso tsakanin Sarkin Dutse Alhaji Abdullahi Maikano da Alhaji Basiru Dutse Shugaban Karamar Hukuma daya bada izinin a gina Masallaci a Sabongarin Dan Masara ya kuma je ya bude batare da sanarwa da hakimin Dutse ba. Wannan ya jawo rubuce rubuce tsakanin ofishin Hakimi da MaSarautar Kano zuwa karamar Hukuma. Hakika wannan sha’ani baiyi kyauba kuma shi yazama sanadin karfafa wata gaba data faru a nan Dutse. Za’aga yadda abin yakasance a gaba kadan. Abiyo Tarihi.

Sarkin Dutse bai goyi bayan bude wannan masallacin Juma’a ba saboda karkashin tsarin Sarauta yake. Domin kamar yadda yace. Kafin agina masallacin Juma’a sai Sarki ya sani kuma ya kayi mutanen gaban Sarkin Kano anyi musu tambayoyi. Kuma in an gama za’a bude sai an kayi wadanda ake gani su zasu zama Liman da Na’ibi anyi musu tanbayoyi domin aga kwarewarsu in sunci jarrabawa Sarki ya bada izini a nadasu suzo suci gaba da Sallah a sabon masallaci.

Ganin faruwar wannan tsari sai Sarkin Dutse ya rubutawa ofishin Sarkin Kano Alhaji Ado Bayero domin susan halin da ake ciki. Ga yadda rubuce rubucen suka kasance. Wasika daga ofishin Hakimin Dutse: -

NO. 45/256 Dutse District Office,Kano

              24/4/1978.

Zuwa ga, Mai-Girma Sarkin Kano,

Alhaji Ado Bayaro.

GINAWA DA BUDE MASALLACIN JUMA`A, DA NADA LIMAMI, DA NA`IBI DA YIN IZININ FARA SALLAH A UNGUWAR SABON GARIN DANMASARA TA KASAR DAGACIN KARGO, BA TARE DA IZININ MAI-GIRMA SARKIN KANO BA. 

Bayan gaisuwa da girmamawa maiyawa, sanarwa da Mai-girma Sarkin Kano Allah ya taimakeshi, Amin.

A ranar 6/4/1977, na sami takarda daga wani Mallami mai duba aikin gayya na karamar hukumar Dutse da Jahun, mai suna Mallam Abdu Muhammadu wanda a cikin takardarsa ya baiyana mani cewa mutanen Unguwar Sabon gari Danmasara sun bashi sha`awar da suke da ita ta gina Masallacin Juma`a babba, harma yace dani yaga dagacinsu na Kargo marigayi Alhaji Inusa ya shaida masa, akan wannan al’amari, inda shi Digacin kargo ya tabbatarwa wannan Malami gaskiyar wannan al’amari cewa shine yayi hakane, harma sun tara kudi masu yawan gaske, batareda sani na ba, inji shi Digacin kargo mai mutuwa Alhaji Inusa.

Akan wannan sai shi Mallam Abdu Muhammadu, Malamin duba aikin gayya yarubuto mani (Hakimin Dutse), takarda wannan labari, ta ran 6/ 4/ 1977AD.

Bayan kwanaki biyu da samun wannan takarda ta Mallam Abdu Mahammadu sai gashi mutanen wannan Unguwa bisa jagorancin Mallam Isa Usman kimanin su 5 ko 7 sunzu gareni don neman izinin su tara kudi, kuma su gina Masallacin Juma’a kuma su cigaba da yin SAllah aciki. To dajin haka sai naja hankalinsu game da Umarnin Mai-girma Sarkin Kano, wanda Madakin kano, ya aika ga dukkan Hakiman Kano, akan takarda mai lamba PUB/ II/ 331 ta ran 21^st October, 1975AD. Da takarda ta biyu mailamba PUB/ II/ V/ 385 ta ran 26^th October, 1976AD. Wadda acikin wadanan takardu akayi mana bayanin ka’idojin ginin Masallacin Juma’a, kuma aka gargademu da cewa kada mu aiko da neman ginin Masallacin Juma’a sai munbi wadan nan ka’idoji, domin kuwa dama mun sani a Doka da kuma wannan sabon shirin gyaran kana nan Hukumomi, harkar Addini tana hannun Mai-girma Sarkin ne, wato Emirate Council wanda kumashine Shugabanta Allah ya taimakeshi ya kiyayeshi, amin.

To dana gama yiwa wadan nan mutane bayani sai na tabbatar musu cewa nisansu da Masallacin Juma’ar garin Digacin kudai, bai kai yadda Shari’a da ka’idar gina Masallacin Juma’a ta ajiye ba, saboda haka ni bazan iya basu izinnin tara kudi don gina masallaci Juma’a ba, amma sa iya gyara masallacin don yim Salloli biyar kawai, amma ba Juma’a ba, domin kuwa ga masallacin Juma’a nan a kudi wanda nisansa dasu baifi kilometer 4-6 ba wadda yake dai dai da 2 ½ miles tsakaninsu.

Kuma wannan Unguwa tana da yawan mutane, masu biyan haraji mutum 168. don haka idan suna shakkar wannan jawabi dana shaida masu sai su dawo gareni, na rubuta masu takarda ga mai-girma Sarkin Kano, don suji yadda wannan al`amari yake, kuma daga nan sai abinda Sarki yayi, domin kuwa ikon sa ne. Daga wannan lokaci ba wanda ya dawo gareni yayi mani wata magana daga cikinsu.

.Ana cikin wannan hali ina sauraron mutanen nan, sai Mallam Ibrahim Karaye wanda yake shine jami`in aikin taimakon kai da kai na Karamar Hukumar Dutse a wannan lokacin yazo gareni(Hakimin Dutse), da cewa chairman na Dutse Local Government ya umurce shi yaje sabon garin Danmasara ya tambayesu ko suna son Masallolin Juma’a . Amma shi  Mallam Ibrahim Karaye kafin yazo gareni     sai da ya fadawa chairman gaskiyar yadda al’amarin ginin Masalincin Juma’a yake wanda ya  tabbatar masa cewa ikon mai-girma Sarkin Kano ne tareda Majalisarsa.  Saboda haka sai nace da Mallam Ibrahim Karaye tunda yake ya baka umurni, kai kuma kaga mutunci na saboda zamana Hakimin kasar kuma Wakilni mai-girma Sarkin Kano, kazo ka shaida mani sai kaje kayi abinda ya umarceka  amma kuma ba tareda wani wakili na ba. Acikin wannan hali aka zauna ana cuku-cuku, har aka tara kudi daga Jama’a da sunan aikin taimakon kai da kai harma Dutse local Govt. Area ta bada irin nata taimakon duka dai akan Massalincin Jumma’a.

Amma kuma Allah ya dade da ran Sarki ina tunawa a wata rana shi Chairman Alhaji Bashiru ya taba yi mani maganar za’a gina Massalincin Jumma’a  a sabon garin Danmasara, harma na bashi amsa cewa mu Hakimai muna da umarnin mai-girma Sarkin Kano akan ka’idojin gina Massaslincin Juma’a wanda sai mun bisu sa’anan mun aika wa da mai-girma Sarkin Kano.  To anan maganarmu ta tsaya baice kamai ba.

Kuma Allah ya taimaki Sarki lokacin da mai girma Sarkin Kano yazo Dutse ran 15/12/1977AD. domin fasa Harajin 1977-78AD. Sarkin Shanu ya fada mani cewa Chairman na Dutse Local Govt. ya tabeshi da maganar ginin wannan Masalacin Juma’a na sabon garin  Danmasara, amma abinda Sarkin Shanu ya baiwa Chairman amsa shine lallai subi ka’idar da Mai-girma Sarkin Kano ya aika wa da Hakimai.  Don haka sai su shaidawa Hakimin Dutse.  To tun daga wannan rana sukayi haka da Sarkin Shanu, Dutse Local Govt. bata taba yi mani wata magana ba akan wannan al’amari har zuwa yau 24/4/1978.

Sai a ranar Juma’a 21/4/1978, na sami labari cewa Chairman na karamar Hukumar Dutse Alhaji Bashiru tareda yan-majalisarsa mutum biyu sune: - Alhaji Ibrahim Nakarofi, da Mallam Buba A. Sule Katanga, sunje sun bude wannan Masallacin Juma’a kuma sun nada Liman Mallam Isa Usman da Na’ibi Mallam Ali Musa, har ma Chairman ya basu Alkyabbu da Rawuna da Hulunan Dara dai dai ga Liman da Na’ibi, ba tareda sun sanar dani komai ba, game da wannan al’amarin, don haka ina cikin shakkar wannan Labari. Sai aran 23/4/1978AD. na bude Television ta Kano a labaran karfe 7pm. na dare na gidan Rediyo Telbijin Kano sai naji gidan Rediyon yana cewa:-  Chairman na Karamar Hukumar Dutse, ya bude Masalacin Juma’a a Unguwar sabon garin Danmasara ta kasar Digacin kargo, ta kasar Dutse a ranar dana ambata a sama harma yayiwa Jama’ar wannan kasa ta Dutse gargadi da cewa su guji yada jita-jita gameda sha’anin Addini. Wadda nan take na tabbatar da gaskiyar labarin da na samu na bude wannan Masalacin Juma’a.

Kuma ina kara  tabbatarwa da mai-girma Sarkin Kano cewa dukkan wannan  al’amari babu wanda ya sanar dani komai akai, don haka nake ganin an  kaucewa ka’ida.  Domin wannan ikon Sarkin ne.  Don haka a ranar 24/4/2978, na tura aka kirawo mini Digacin kargo na yanzu Mallam Adamu da Mai-Unguwar Sabon Garin Danmasara, da malamin Digacin Kargo Alhaji Abdu Kargo dake zaune a wannan UNGUWA, da Limamin Masalacin Mallam Isa Usman, da Na’ibin Masalacin Mallam Ali musa.  Don jin yadda wannan al’amari ya faru.

A wannan  rana ta 24/4/1978AD. Digacin kargo na yanzu Mallam Adamu yazo gabana tareda Alhaji Abdu kargo, malaminsa, da Mallam Isa Usman limamin Masalacin da Mallam Ali musa Na’ibin Masalacin.

Da farko na tambayi Digacin kargo, da mutanen nan da suka zo da Digaci, cewa yaya akayi aka gina wannan  Masalacin?.  Kuma yaya akayi akanada Liman da Na’ibi, da kuma neman yadda akayi izinin fara yin sallar Juma’a acikin wannan Masalacin.

Daga nan sai Digacin kargo tareda wadannan mutane suka shaida mini, (Hakimin Dutse), cewa sun tabbatar Chairman na Dutse Local Govt.  Alhaji Bashiru tareda Yan-majalisarsa mutum biyu:-  Alhaji Ibrahi8m Nakarofi, da Mallam Buba A. Sule Katanga sune suka bude wannan  Masallacin, kuma shi Chairman ne ya nada Liman da na’ibi tareda basu dukkan kayan da ake baiwa Liman idan an nada shi. Kuma Digacin Kargo ya kara shaida mini (Hakimin Dutse), cewa Chairman na karamar Hukumar Dutse, Ya aika masa da sakon  nemansa a wannan Unguwar ta sabon garin Danmasara don bude wannan Masalaci, amma shi Digaci da yaga babu hannun Hakiminsa na Dutse acikin wannan al’amari sai yaki zuwa, wannan gayyata ta Chairman.  Saboda haka ba’a bude wannan Masalacin da shi Digacin ba.

To daga nan sai na tambayi Liman Mallam Isa Usman cewa, yaya akayi  lokacin da kuka zo gareni, da bukatarku ta ginin wannan Masalacin Juma’a inda na baiyana maku umarnin mai-girma Sarkin Kano, gameda ginin Masalacin Juma’a na kuma nemi shawararku cewa kwa iya  gina Masalaci amma bana Juma’a ba saboda tsakaninku da kudai baikai yadda ake bukata a ka’idar ginin Masalacin Juma’a ba.  Kuma na umurceku da cewa ku dawo gareni idan kun sanar da sauran  mutanenku wannan jawabi dana baiyana maku don aikawa  daku zuwa  wurin mai-girma Sarkin Kano, daga nan ban sake ganinku ba, sai yanzu.  Yaya akayi baku zo ba?.  Sai Liman Mallam Isa Usman ya shaida mani cewa ai bayan mun koma gida sai Chairman na Karamar Hukumar Dutse ya aiki Mallam Ibrahim karaye, Shugaban Mai’aikatar aikin Taimakon kai da kai na Dutse local Govt. Area. Garemu ya shaida mana cewa Chairman Alhaji Basiru ne ya aiko shi garemu da cewar shi Chairman zai gina mana masallacin Juma’ar.

Dajin haka sai na tambayi Liman mal. Isah Usman cewa ko lokacin da Chairman ya aiko Mallam Ibrahim Karaye gareku ya biyo takan Digacinku na Kargo, kokuma Mai Unguwarku? Sai Liman Mallam Isa Usman ya amsa mani cewa a’a shi Mallam Ibrahim bai biyo takan Digaci ko MaiUnguwaba, kai tsaye yazo gurinmu, ya shaida mana wannan umarni na Chairman.

To sai na juya ga digacin Kargo cewa ko yasan lokacin da Mallam Ibrahim Karaye yaje gurin wadannan Mutane? Sai Dagacin Kargo ya amsa mini cewa ai shi bai san lokacinba kuma babu wanda ya sanar dashi, wannan magana sai lokacin da za’a  bude Masallacin  aka gayyaceshi, shi kuma yaki zuwa saboda babu yawun Hakimin Dutse a cikin wannan magana.

To anan take nima kaina (Hakimin Dutse), na sake karantawa Digacin Kargo da wadannan Mutane takardar nan da Mai Girma Sarkin Kano daya aikawa Hakimai game da kaidojin gina Masallacin Juma’a. saboda haka na aiko da Digacin kargo, malamin Digacin Kargo Alhaji Abdu Kargo, da MaiUnguwar Sabon garin Dan Masara Mallam Wada Maigari, da Liman Mallam Isa Usman da Naibi Mallam Ali Musa ga Mai-girma Sarkin Kano, kuma sai abinda Sarki yayi akai, Allah ta taimaki Sarki ya kiyayeshi, Amin.

Kuma na aika da kofen wannan takarda zuwa wajen Sakataren Karamar Hukumar Dutse, na kuma aikawa shi Sakataren karamar Hukumar Dutsen “True Copy” na takardun Mai-girma Sarkin Kano da muka sami umarnin Sarki,  akansu game da kaidojin gina Masallacin Juma’a inda Maigirma Sarkin Kano, ya gargademu da cewa mu kula mu bi kaidar kamar yadda ya umarcemu dayi.

Haka kuma ga “True Copy” nan nasu na aiko dasu ga Mai Girma Sarkin Kano wadda akansu ne Mai Girma Sarkin Kano ya aiko mana. Ata biyu mai lamba PUB/II/V/385 ta ran 26^th Octoba, 1976AD. Kuma akan takardar aka shaida mana cewa an baiwa, Sakataren Karamar Hukumarmu kopen wannan takarda don sanarwa.

…………………………………

District Head Dutse

No. 45/256A

Dutse District Office

Kano.

24/4/1978

The Secretary to,

Dutse Local Government. 

Na aiko maka da kofen wannan takarda kofe biyu, tare da “True Copy” na umarnin Maigirma Sarkin Kano game da kaidojin gina Masallacin Juma’a da Sarki ya aikawa dukkan Hakimai, kuma atakardar Maigirma Sarkin Kano tagaremu mai lamba PUB/II/V/385 ta ran 26^th Octoba 1976, ya baiyana mana cewa yaba Sakataren Karamar Hukuma kofen wannan takarda don sanarwa. Don haka na aiko maka da wannan bayani don sanarwa.

…………………………………

District Head Dutse

Su kuma daga Kano sai suka ja hankalin Sarkin Dutse da karamar Hukumar cewa aiyuka irin wadannan daga ofishin Sarauta yakamata ayisu. Don haka sai suka kara tunasar dasu da wasikarsu mai lamba PUB/11/331 ta ranar 21^st octoba 1975 daga ofishin madakin Kano da kuma mai Lamba PUB/11/V/385 ta ranar 26 octoba 1976 daga sakatariyar Majalissar Sarkin Kano.

True Copy:

No. PUB/II/331

The Madakis Office

Kano.

21^st Octoba,1975.

Hakimin Dutse.

MASALLACIN JUMA’A

Sanarwa gareka, ga al’ada kukan aiko da mutane gaban Sarki masu son suyi Masallacin Juma’a a Garinsu. Saboda haka daga yanzu anaso duk mutanen da suka nemi zasuyi Masallacin Juma’a ana bukatar kafin su aiko su tabbatar da: -

1.     Nisan garin da za’ayi wannan Masallaci tsakaninsa da wani garin da yake da masallacin Juma’a.

2.     Ka tabbatar da yawan Mutanen dake cikin wannan gari.

To in ka tabbatar da wadannan san nan sai ka aiko dasu gaban Sarki tareda wannan bayani.

Snd (ALHAJI ALI HASHIM)

FOR:MADAKIN KANO

True Copy:

No. PUB/II/V/331

Kano Emirate Council Secretariat

Kano.

26th Octoba,1976.

Hakimin Dutse.

GINA MASALLACIN JUMA’A

Ina tuna maka da circular ta NO. PUB/II/VOL.V/331 ta ran 21/10/75 wadda nayi maka bayanin yadda ya kamata ka turo Mutane masu neman izinin gina Masallacin Juma’a kamar haka: -

1.     Ka tabbatar da yawan Mutanen dake cikin wannan gari.

2.     Ka tabbatar da nisan garin da za’ayi wannan Masallaci tsakaninsa da wani garin da yake da masallacin Juma’a akwai tazara.

2.To in ka tabbatar da wadannan sai ka aiko mutanen tareda wannan bayani.

3.Na aikawa da Sakataren Mulki na Karamar Hukumarku kofen wannan takarda don sanarwa.

Snd (ALHAJI ALI HASHIM)

FOR:MADAKIN KANO

Ana nan sai Siyasar 1979 ta shigo kuma a Jihar Kano da Dutse take karkashinta a zaben da’akayi na 1979 P.R.P. ce taci zabe. Aka zabi Alhaji Muhammadu Abubakar Rimi ya zama zababben Gwamnanta na farko P.R.P. dayake gyauron N.E.P.U. ce tsarinta na Kawo Canjine. Musamman akan Sarakuna. Wannan yasa ranar da aka rantsar da sabon Gwamnan na Kano Alhaji Muhammadu Abubakar Rimi ya fara da soke haraji da jangali, kuma ta sauke zababbun shugabannin kananan Hukumomi ta nada wakilan riko don su aiwatar mata da manufofinta.

A Dutse Alhaji Adamu Barde Dutse shi ya shugabanci kwamitin rikon. Shi kuwa dama tsakaninsu da wanda ya gada Shugaban Karamar Hukumar nada Alhaji Basiru Kamar tsakin da tsakuwa saboda Alhaji Basiru Dutse N.P.N. ya goyi baya a lokacin zaben da aka yi na 1979.

Zababben Gwamnan Kano na farko Alhaji Abubakar Rimi ranar Juma’a 1 ga watan Aprilu 1981, yayiwa Jama’ar Kano jawabi cewa “A tsare-tsarenta na kawo canji, Jam’iyar P.R.P. ta nada sabbin Sarakuna masu Martaba ta daya guda hudu (4) kuma ta daga Martabar garuruwansu zuwa Martabar Masarautu. Garuruwan sune: - Dutse, Gaya, Auyo da Rano. Kuma ta daga Martabar Masarautun Kazaure da Gumel masu Martaba ta biyu zuwa Martaba ta daya tare da Garuruwansu. Daga baya kuma aka daga Martabar Masarautar Hadejia da Sarkinta zuwa masu daraja ta daya. A takarda mai lamba COS/A/181/T.1/3 ta ranar 6 ga watan Aprilu 1981, wadda Sakataren Gwamnatin Jihar Kano Alhaji Sule Yahaya Hamma ya sawa hannu ta sanarwa da Hakimin Dutse Alhaji Abdullahi Maikano Dutse cewa Gwamnatin Kano ta daga matsayin wasu Hakimai zuwa Masarautu masu daraja ta daya. Wadda Dutse take ciki.

Alhaji Abdullahi Maikano Dutse,

Emir of Dutse.

Mai girma,

DAGA MARTABA DA NADAKA SARKI MAI DARAJA TA DAYA “EMIR”

Daga irin alkawaran Gwamnatin Kano na kyautata rayuwar jama’arta da basu hakkinsu da Martabarsu, Gwamnatin Kano karkashin shugabancin Alhaji Muhammadu Abubakar Rimi, batabar bangaren Sarautaba domin ta duba Tarihin da asalin wasu garuruwa da suke da yancinsu tun asali amma saboda tsari irin na yan mulkin mallaka suka maidasu karkashin wasu Sarakuna wai dan suji saukin mulkinsu.

Ganin haka Gwamnan Kano Alhaji Muhammad Abubakar Rimi da Gwamnatinsa bayan dogon bincike akaga ya dace a dawowa da garuruwan GAYA, DUTSE, AUYO DA RANO Martabarsu.Don haka ina sanar maka Gwamnan Kano Alhaji Muhammadu Abubakar Rimi ya daga Martabar kasarka kuma ya nada ka Sarki mai daraja ta daya. Karkashin bangare na 5 na dokar nadin Sarakuna.

Kuma daga baya za’a sanar maka da ranar da Maigirma Gwamnan Kano zaizo ayi bukin baka sandar Girma a Dutse. A madadin maigirma Gwamnan Kano da Jama’ar Jihar kano ina tayaka murna da farincikin samun wannan sabon mukami. Allah ya baka ikon kyakkyawan Jagoranci.

Alhaji Sule Yahaya Hamma

Sakataren Gwamnatin Jihar Kano.

 Don haka Gwamnan Kano yayi bukin nadasu kamar haka: -

1.           Ranar Juma’a 29 ga watan Mayu 1981, aka nada Alhaji Ahmad Muhammadu Sani Sarkin Gumel mai daraja ta daya.

2.            Ranar Asabar 30 ga watan Mayu 1981, aka nada Alhaji Aliyu Sambo Hakimin Auyo ya zama Sarkin Auyo mai daraja ta daya.

3.           Ranar Juma’a 5 ga watan Yuli 1981, aka nada Alhaji Abdullahi Maikano Dutse Hakimin Dutse ya zama Sarkin Dutse mai daraja ta daya.

4.            Ranar Juma’a 12 ga watan Yuli 1981, aka nada Sanata Alhaji Adamu Gaya a matsayin Sarkin Gaya mai daraja ta daya.

5.            Ranar juma’a 19 ga watan Yuli 1981, aka nada Alhaji Abubakar Ila Hakimin Rano ya zama Sarkin Rano mai daraja ta daya.

6.           Ranar Asabar 5 ga watan Satumba 1981, aka nada Alhaji Ibrahim Adamu Sarki mai daraja ta biyu zuwa mai daraja ta daya.

7.           Daga karshe aka nada Alhaji Maje Haruna Sarkin Hadejia mai daraja ta biyu zuwa mai daraja ta daya. Zamewar Hadejia ita ta zamo ta karshe bai rasa alaka da zamewar su cikakkun masu goyon bayan N.P.N. neba. Ita kuwa Gwamnatin P.R.P. bata yafiya akan banbancin ra’ayi koda cikin yan jam’iyarne. Ammadai hakuri yayi ranarsa domin Hausawa sunce Mahakurci Mawadaci. Domin da akayi Jihar Jigawa Hadejia ita ta zama mazaunar Shugaban Majalissar Sarakunan Jihar Jigawa.

 Daga ranar 5 ga watan Yuli da mai Martaba Sarkin Dutse Alhaji Abdullahi Maikano ya karbi sandar girma da wukar yanka a hannun zababben Gwamnan Kano na farko Alhaji Abubakar Rimi sai abubuwa suka fara canzawa. Sarki ya nemi yan uwa da abokan arzuka su hadu su taimaka masa wajen tafida wannan sabon aiki ga Jama’arsa. Wannan yasa Sarkin yayi nade-naden Sarautu ga yan uwa. Hakika wannan abu da yayi ya kara zumunci.

ZABEN SIYASA NA 1983AD.

Lokacin da akayi zaben Siyasa na 1983AD. Alhaji Sabo Aliyu Bakin Zuwo ne yaci zaben Gwamna. A tutar Jam’iyyar P.R.P Nasara kuma kamar yadda akaga a baya ya zama mai biyayya ga Masarautar Kano.

Duk abinda zaiyi yakan tuntubi Sarkin Kano Alhaji Ado Bayero kuma itama MaSarautar kano tazama tana tare da Gwamna. Wannan yasa sabon gwamna bayan ganin Gwamnatinsa ta zauna sai ya fara da rushe sabbin masarautun da tsohon Gwamna Alhaji Abubakar Rimi ya kirkiro na Gaya, Dutse, Rano da Auyo ya kuma bada umarnin su koma matsayinsu na Hakimai karkashin masarautunsu nada Haka akayi, kuma su da aka tube suka yarda su zauna hakan. Sun rungumi kaddara. Wannan abu yayi wa Sarkin Kano da MaSarautarsa dadi. Kuma yasa suka kara sa ido akan wadannan rusassun Sarakuna.

Kuma da yake lokacin Siyasa ne, ita kuma Siyasa tana da adalci. Daga cikin adalcin Siyasa ya hada da duk inda ta dagaka sai ta saukeka, kamai dadin da tabaka sai kaji dacinsa, saita nuna maka indai don Duniya ka daura damara to ka kwance, duk irin gabar da Mutum ya dauka wani lokaci zaizo a ware, watakila ma sai yasa wasu suke cewa “A Siyasa ba’a tabbataccen Gaba” domin wata rana za’a iya dawowa a zauna inuwa daya kamar ciki daya. Kuma dama Sarkin Dutse Abdullahi Mai-Kano yayi Siyasa don haka sai yabi tsarin Siyasa a hankali. Yabi gwamnati yabar wasu ‘yan uwan sa. A wannan tsari kuma wasu daga cikin ‘yan uwan nasa irin su Alhaji Aminu Sulaiman dan uwansa na Jini basuji dadin shrin na Sarki Abdullahi Maikano ba.

Daga karshe ranar 20 ga watan Agusta 1983AD. Gwamnatin Kano ta hannun Masarautar Kano tayi wa Alhaji Abdullahi Maikano Sarkin Dutse ritaya. Sarkin Dutse Alhaji Maikano yayi shekara Ashirin da uku (23) yana Sarautar Dutse 1960- 1983. ya koma Hotoro ta Kano da zama kuma acan Allah yayi masa rasuwa a ranar Laraba 27 ga watan yuli 1987, shiyasa ake ce dashi Maje Hotoro. Allah yajikansa ya gafarta masa. Amin.

Sama

2.17 SARKIN DUTSE NA GOMA SHA BAKWAI (17) ALHAJI MUHAMMADU SANUSI DAN BELLO 1983-1995AD. (BAJALLIBE)

Hoto

Sarkin Dutse Alhaji Muhammadu Sanusi Sarkin Kano Alhaji Ado Bayero ne ya nadashi Sarkin Dutse ranar Litinin 31 ga awatan Octoba 1983 AD.

Kafin ya zama Sarki, Alhaji Muhammadu Sanusi yayi Sarauta hawa-hawa a wuri daban-daban. Yayi digacin Gurum Galamawa 1937-1943AD, digacin Yargaba 1943-1953AD, Digacin Gurduba 1953-1981AD. a wannan 0lokaci duk inda aka kaishi ana kaishine domin gyara saboda wasu guraren Barayi sun damesu, wasu guraren kuma fitinune suka damesu. Kuma cikin ikon Allah sai aga an samu biyan bukatar da aka kaishi domin ta, gurare sun zauna lafiya.

Sarautar wannan Sarkin Dutse wata iri ce da zata karawa mai Imani Imani tasa mai raunin Imani ya jaddada kuma ya karfafa Imaninsa, kuma wanda bashi da Imani ya zama mai Imani.

A lokacin Alhaji Adamu Barde Shugaban riko na Karamar Hukumar Dutse na farko da Gwamnan Kano na farko ya nada tare da amincewar mai Martaba Sarkin Dutse an yiwa Digacin gurduba Alhaji Muhammadu Sanusi Ritaya daga Digaci. A ganin wasu Mutane anyi wannan don musgunawa Alhaji Basiru Dutse zababben shugaban Karamar Hukumar Dutse na farko, Wasu kuma suna gani a`a anyi ne domin a kakkabe hannun Alhaji Muhammadu Sanusi da zuriyarsa daga tsarin Sarautar Dutse gaba daya. Domin afahimtar wasu Alhaji Muhammadu Sanusi Mutum ne tsayayye kuma yasa Sarautar Dutse a ransa wadda suke ganin lallai yana so yayi.

Da aka yi masa Ritaya sai aka tura wani yaron Gidan Sarki Garba Dangulili yayi wakilci da zummar a bata wa Alhaji Muhammadu Sanusi, amma sai Allah ya canza shirin, Garba Dangulili yabi tsarin a hankali da fuska biyu, don a zauna lafiya. Wannan kuma yayi wa wakilin kyau. Domin da aka samu canji kamar yanda za’a gani a gaba sai shi Garba Dangulili yazama anayi dashi. Harta kai ya zama shamaki a fadar sabon Sarkin Dutse daga karshe.

Wannan ritaya da aka yiwa Dagacin na Gurduba ta bata rai da kyau. Domin har MaSarautar Kano da Sarkinta Alhaji Ado Bayero basuji dadi ba. Don haka saboda soyayya Sarkin Kano Alhaji Ado Bayero duk sanda murabus Alhaji Muhammadu Sanusi yaje gaisuwa ko kuma shi Sarki Kano yayi tafiya ya tsaya a Shuwarin don su gaisa ya kan cewa murabus Allah ya kyauta hakuri. Shi kuma Murabus yace “Amin"

Lokacin da akayi zaben Siyasa na 1983AD. Alhaji Sabo Aliyu Bakin Zuwo ne yaci zaben Gwamna. A tutar Jam’iyyar P.R.P Nasara kuma kamar yadda akaga a baya ya zama mai biyayya ga Masarautar Kano.

Duk abinda zaiyi yakan tuntubi Sarkin Kano Alhaji Ado Bayero kuma itama MaSarautar kano tazama tana tare da Gwamna. Wannan yasa sabon gwamna bayan ganin Gwamnatinsa ta zauna sai ya fara da rushe sabbin masarautun da tsohon Gwamna Alhaji Abubakar Rimi ya kirkiro na Gaya, Dutse, Rano da Auyo ya kuma bada umarnin su koma matsayinsu na Hakimai karkashin masarautunsu nada Haka akayi, kuma su da aka tube suka yarda su zauna hakan. Sun rungumi kaddara. Wannan abu yayi wa Sarkin Kano da MaSarautarsa dadi. Kuma yasa suka kara sa ido akan wadannan rusassun Sarakuna.

Wannan yasa mai Martaba Sarkin Kano Alhaji Ado Bayero ya cika addu’arsa da yake yiwa Alhaji Muhammadu Sanusi ta Allah ya Kyauta hakuri. Ya nadashi Hakimin Dutse ranar 31 ga watan oktoba 1983AD.

Sarkin Dutse Alhaji Muhammadu Sanusi, da kama aikinsa na Hakimi sai ya cigaba da tsarin yadda za’a zauna Lafiya a kasarsa ta Dutse. Kuma ya cigaba da ganin ansa yara a Makaranta tare da ganin karamar Hukumar ta cigaba da taimakawa makarantu da kayan aiki.

Daga nan sai yayi karatun baya yatausayawa Digatan da aka sauke lokacin Mulkin Sarkin Dutse Abdullahi Maikano ya dawo dasu kan mukamansu. Ya kuma cigaba da kyautata zumunci tsakaninsa da yan uwa, Da biyayyarsa ga Sarkin Kano Alhaji Ado bayero.

Allah yayiwa mai Martaba Sarkin Dutse Alhaji Muhammadu Sanusi rasuwa ranar 29 ga watan Nuwamba, anyi Jana’izarsa a cikin Garu aka kaishi gidansa na shuwarin aka binneshi acan.

 Sama

2.18 SARKIN DUTSE NA GOMA SHA TAKWAS (18) ALHAJI NUHU MUHAMMADU SANUSI (BAJALLIBE) 1995 – DATE

Hoto

Sarkin Dutse Alhaji Nuhu Muhammadu Sanusi ya zama Sarki “Emier” ranar 11 ga watan Disamba 1995. Wannan ya biyo amincewar da gabatar dashi da masu zaben Sarki na MaSarautar Dutse sukayi ga majalissar Sarakunan Jihar Jigawa bisa la’akari da dokar nada ko tube Sarakuna ta jihar Jigawa mai lamba 3(2) ta 8 ga watan Nuwamba, 1995 AD. Wadda kantoman mulkin soja Kanar Ibrahim Aliyu ya sawa hannu ran 28 ga watan Nuwanba, 1995.

A).     Majalissar Sarakunan Jihar Jigawa bayan tasa albarka ta mikawa Gwamnatin Jihar Jigawa karkashin shugabancin Kantoman Mulkin Soja Kanar Ibrahim Aliyu, wadda ya amince da nadin Alhaji Nuhu Muhammadu Sanusi Sarkin Dutse Sarki mai daraja ta daya

Wannan nadi nasa yanuna yasha bam-bam da nadin sauran Sarakuna goma sha bakwai (17) da suka gabata saboda shine Sarki na farko da masu zaben Sarki suka zaba sauran duka nadasu akayi

B).     Masu zaben na Sarkin Dutse sun mikawa majalissar Sarakunan Jihar Jigawa sunayen wadannan mutane guda uku (3) da suka samu kuri’a dan dubawa da bawa Gwamnati shawara da amincewa da daya daga cikinsu domin a nadashi Sarki mutanen uku da aka mika sune: - Alhaji Nuhu Muhammadu Sanusi Ciroman Dutse, Alhaji Basiru Muhammadu Sanusi Galadiman Dutse da Alhaji Nuhu Abdullahi Maikano Danmajen Dutse.

C).     Kantoman Mulkin Soja Kanar Ibrahim Aliyu bisa la’akari da matakan da aka bi a           sama      A&B,         kuma     Alhaji Nuhu Muhammadu                                Sanusi ya zama shi yafi sauran             yawan kuria. Kantoman ya amince da Alhaji Nuhu                Muhammadu Sanusi ya zama Sarkin Dutse

Kuma Gwamnatin Jihar Jigawa tayi bukin nadashi da bashi sanda tare da rantsar dashi amatsayin Sarkin Dutse ranar 11 ga watan Disamba 1995.

 FANNIN MULKI

Ta bangaren Mulki saboda gogayyar daya samu ta rayuwa da zamansa a cikin mulki Sarkin Dutse Nuhu Muhammadu Sanusi ya sakewa MaSarautar Dutse fasali ya sake tsara masu zaben Sarki, ‘yan majalissar Sarki aka kara yawan Gundumomi da Hakimai, Digatai da masu Unguwanni don kusantar da Sarauta ga Jama’a don asamu cigaba.

Sarki Alhaji Nuhu Sanusi yayi nade – naden Sarautu da Sarakunan fada tare da tsarin Matan Fada da Marokan Fada dan ya daidaita fadarsa da sauran Fadoji.

 Masarautar Dutse a halin yanzu tanada Hakimai masu kasa guda Ashirin (20).

YAWAN HAKIMAI, DIGATAI DA MASU UNGUWANNIN MASARAUTAR DUTSE

GUNDUMOMIN MASARAUTAR DUTSE

Sarkin Dutse Alhaji Nuhu Muhammadu Sanusi bisa tsakaninsa da biyayyarsa ga Gwamnati yayi shawara kuma a wani lokaci ya karbi umarni wajen duba Karin gundumomi da nadin Hakimansu daga gwamnatiSaboda cigaban Jama’arsa.

Wannan yasa aka sami Karin Gundumomi da Hakimai masu kasa guda goma sha biyar (15) kari akan guda biyar (5) da ya tarar. Gundumomin suka zama guda Ashirin (20) da Hakimai guda Ashirin (20).

 GUNDUMOMIN DAYA TARAR SUNE: -

1.                 Dutse a karamar hukumar Dutse

2.                 Birnin Kudu a karamar Hukumar Birnin kudu

3.                 Jahun a karamar hukumar Jahun

4.                 Gwaram a karamar Hukumar Gwaram

5.                 Kiyawa a karamar Hukumar Kiyawa.

SABBIN GUNDUMOMIN DA HAKIMAN DA AKA KARA SUNE: -

1.                 Chamo, Dundubus da Sakwaya a Karamar hukumar Dutse.

2.                 Sundumina, Iggi da Wurno a Karamar hukumar Birnin Kudu.

3.                 Fagam da Basirka a Karamar hukumar Gwaram.

4.                 Aujara da Gunka a Karamar hukumar Jahun.

5.                 Zareku a Karamar hukumar Miga.

6.                 Shuwarin a Karamar hukumar Kiyawa.

7.                 Buji a Karamar hukumar Buji, saboda anan dama garin Buji aka bawa sunan  Karamar hukumar mai cibiyarta a Gantsa kuma buji ta zauna a mukamin digaci kafin nadin Sarkin Dutse Alhaji Nuhu Muhammadu Sanusi.

Gundumomi